Kuri uyu wa kane tariki ya 15/6/2017 nibwo urukiko rwisumbuye rw’Akarere ka Gasabo rwasomye umwazuro w’urubanza ku ifunga n’ifungurwa rya Sibomana Jean uherutse gutabwa muri yombi n’inzego zishinzwe umutekano. Sibomana Jean yari umuvugizi w’Itorero rya ADEPR akaba yaratawe muri yombi nyuma ya Tom Rwagasana, Sebagabo Leonard, Madamu Mutuyemariya Christine, Niyitanga Salton n’abandi.

Umucamanza yavuze ko Sibomana Jean akekwaho ibyaha bikurikira;

• Kurigisa no kukona umutungo w’Itorero rya ADEPR
• Gukoresha inyandiko ya baringa

Urukiko rwavuze ko Sibomana yasinye ku masezerano y’akazi (Ya baringa) yagiranye na Bwana Twizeyima Emmanuel ubwo yahabwaga akazi ka baringa ko gukora igisenge cya Dove Hotel ariko mu by’ukuri kikaba cyari cyarakozwe maze ngo bamwishyura nta kintu yakoze. Sibomana ngo yategetse Twizeyimana kugarura amafranga yari yishyuwe maze ayakoresha mu nyungu ze mu rwego rwo kuyarigisa.

Umucamanza yavuze ko aya masezerano Sibomana yayasinye azi neza ko ari aya baringa kuko akazi k’igisenge cya Dove Hotel kari kararangiye kuko cyari cyaruzuye ndetse n’uwagikoze mbere akaba yemeza ko yishyuwe. Urukiko rwavuze ko Sibomana ubwe yemera ko ayo masezerano yayasinye ndetse na Bwana Twizeyimana akaba yiyemerera ko yishyuwe amafranga agera kuri miliyoni 10 atigeze akorera.

Urukiko kandi rwavuze ko Niyitanga Salton (Watawe muri yombi mbere) nawe yahawe sheki y’amafranga agera kuri miliyoni imwe, ayahawe na Sibomana Jean kuko umukono we ugaragara kuri Sheki yamusinyiye.  Mu kwiregura, Sibomana Jean avuga ko amasezerano yasinyeho atumva impamvu yakwitwa baringa kandi iriya Hotel yarakozweho amasezerano menshi. Yavuze ko ibyo kuba yakwitwa baringa atari byo kuko nta cyari kubimwemeza icyo gihe kuko akazi kari kenshi kuri iyo Hoteli. Yongeyeho ko akazi ke kari ukugenzura aho ibikorwa bigeze bityo akaba atagomba kubazwa iby’uko igisenge cyubatswe.

Me Mutabazi Abayo J.Claude yavuze ko Sibomana ntaho yahuriraga n’amafranga yagendaga kuri Dove Hotel kuko ngo bamuzaniraga ibyakozwe akabigenzura. Akomeza avuga ko nta mpamvu Sibomana yafungwa ngo kuko gusinya amasezerano byari mu nshingano ze, asaba urukiko ko umukiliya we yahita arekurwa akaburana ari hanze ngo kuko  ageze mu myaka y’iza bukuru kandi akaba arwaye n’indwara ya diyabete.

Urukiko rwagenzuye ibi byose birimo no kwiregura kwe rusanga nkuko ubushinjacyaha hari impamvu zikomeye akekwaho zirimo gukoresha impapuro za baringa hagamijwe kurigisa amafranga, maze rusanga hari  impamvu zituma afungwa kuko ngo hari ibimenyetso bibigaragaza cyane ko nawe ubwe  ko yasinye kuri aya masezerano ndetse na Twizeyimana akaba yaravuze ko nta kazi yakoze nubwo bamuhaye sheki ya Miliyoni 10.

Umucamanza yavuze ko hari makuru avuga ko Ingenieur Theophile wari ushinzwe ibikorwa byo kubaka Hotel Dove yahawe Miliyoni 7 ndetse na Twizeyimana agahabwa Miliyoni 3 ariko bakayasubiza Sibomana Jean. Hashingiwe ku bimenyetso n’amakuru yagaragaye Sibomana Jean  ahabwa igifungo cy’iminsi 30 y’agateganyo  kugira ngo iperereza rikomeze neza kuko ngo aramutse arekuwe yatoroka cyangwa agasibanganya ibimenyetso.

Urukiko kandi rwasanze Salton yarahawe sheki ya 1million iriho umukono wa Sibomana, ikaba yaratanzwe kuwa 6/12/2016 aho Niyitanga Salton avuga ko yari ayajyanye mu ivugabutumwa, ariko ngo nyuma yaje kwemera ko aya mafranga yayahaye abanyamakuru babiri harimo Umunyamakuru witwa Mika ukorera  Ikinyamakuru Igisabo wahawe 500,000Frw  na Bwana Ntarindwa Theodole ukorera ikinyamakuru Umwezi nawe akaba yarahawe 500,000Frw kugira ngo bazavuge neza iby’inyubako za Dove Hotel. Urukiko rwavuze ko Salton na Sibomana  batagaragaza neza uburyo ayo mafaranga yahawe aba banyamakuru.

Nyuma yo gusanga ukwiregura kwe nta shingiro gufite nubwo mbere yabazwaga adafunzwe, bidakwiriye gushingirwaho maze rusanga hari impamvu zikomeye agomba gukurikirwanwa afunze cyane ko icyaha  akekwaho gishobora guhanishwa igifungo kirenze imyaka 2, rukaba rero rwemeje ko agomba gukomeza gufungwa by’agateganyo kuko ashobora gutoroka.

Urukiko rushingiye ku miburanishirize nshinjabyaha ndetse runashingiye ku ngingo ya 104, rwemeje ko Sibomana Jean akomeza kuba afunzwe iminsi 30 y’agateganyo kuko akekwaho kurigisa no konona umutungo wa ADEPR ndetse akaba yarakoresheje impapuro za baringa kugira ngo abone uko anyereza amafaranga.

Hategerejwe kumenya niba Sibomana Jean azajuririra umwanzuro w’urukiko.

Guverineri w’Intara y’Iburasirazuba Kazayire Judith yamaganye abahunuzi b’ibinyoma bahanurira abaturage ibitari byo. Uyu muyobozi yasabye abantu bose kutemera ibihuha bivugwa cyane n’abiyita abanyamasengesho bahahamura abaturage bakababuza kwiteza imbere.

Guverineri Kazayire yabivugiye mu nama ubwo yahuraga n’abafanyabikorwa mu iterambere mu Karere ka Ngoma ku wa 13 Kamena 2017

Aba bafatanya bikorwa bari biganjemo abayobozi b’amadini bagaragarijwe ingero nyinshi mu Ntara y’Iburasirazuba aho imiryango yagiye ita ingo zayo bakajya hanze y’igihugu ngo kubera ababahanuriye ko hagiye kuba amapfa, intambara n’ibindi bizazane n’inzangano bikura abantu imitima.

Guverineri Kazayire yagize ati “Hari amakuru twabonye y’abantu biyita abahanuzi ariko bahanura ibihuha n’ibinyoma kandi n’abandi bakabayoboka mu binyoma byabo”.

Guverineri Kazayire yavuze bamaze iminsi babiganiraho n’abayobizi b’amadini aho basanze ko ari ibihuha bigamije kugira ingaruka ku matora y’Umukuru w’Igihugu yo muri Kanama 2017.

Abayobozi b’amadini bakaba biyemeje gukora ibishoboka byose “kugira ngo hakumirwe abahanuzi bahanurira mu byumba by’amasengesho bitazwi”.

Mu ngero zatanzwe z’abantu bahungishijwe n’ibihuha, hagaragayemo imiryango 6 y’i Nyagatare, iyindi Rwamagana, Bugesera, na Ngoma cyane cyane mu mirenge ya Mugesera Karembo na Remera.

Guverineri yasobanuye ko “Aba bantu bagenda bamaze kugurisha utwabo ariko akenshi iyo bageze hanze bikabayobera baragaruka nta kintu bakigira bakabera umuzigo igihugu”.

Iryivuze Izayi witabiriye iyi nama wo mu murenge wa Remera, avuga ko yiyumviye “ubuhanuzi bw’intambara mu murenge akomokamo wa Remera.

Ati: “Jyewe niyumviye ubuhanuzi bw’intambara iwacu ariko twahereyeko duhamagaza abayobozi b’amadini dufata ingamba zo kwigisha abayoboke kwirinda ibyo bihuha”.

Iyi nama yaje ikurikira indi yaguye yari ihuje abayobozi b’amatorero n’amadini yabereye ku kicaro cy’Intara y’Iburasirazuba ku wa 30 Gicurasi 2017 aho ubu “buhanuzi bw’ibinyoma” bwagarutsweho hagafatwa imyanzuro yo kujya hiyambazwa inzego z’ubuyobozi kugira ngo ibihuha bikumirwe.

Inkuru ya izubarirashe.rw

Ni inkuru y’incamugongo ku bakunzi bayo by’umwihariko n’abakunzi b’umupira w’amaguru muri rusange kuba ikipe ya Kiyovu Sports, imwe mu makipe makuru mu Rwanda ubu itagishoboye gukina mu kiciro cya mbere. Mukeba wa kera Rayon Sports niwe ushimangiye ubushobozi bucye bwayo ayitsinda ibitego bibiri kuri kimwe imanuka ityo mu kiciro cya kabiri.

Kiyovu yari imaze imyaka 55 mu kiciro cya mbere uyu munsi yamanutse. Aba ni 11 babanjemo uyu munsi

Kuri Stade de l’Amitie ku Mumena ari nacyo kibuga kitwa icyayo, imbere y’abafana bayo niho ikoreye aya mateka mabi kuri yo.

Mbere gato y’uko umukino urangira, bamwe mu bafana ba Rayon barize cyane baraboroga (babyigirisha) abari muri stade bibaza ibyo ari byo. Ngo bariho bayiririra.

Umukino urangiye aba bafana ba Rayon Sports bakoze icyo bise kwihimura ku itangazo ngo Kiyovu yatanze kuri Radio Rwanda mu myaka ya za 1980 ko ‘Rayon Sports yitabye Imana’ ndetse bikamenyeshwa inshuti nka Mukura n’izindi…

Uyu munsi bo bacukuye ahantu hato kuri Stade Mumena bashyiramo isanduku n’umusaraba bavuga ko bahambye Kiyovu yigeze kubabika ko bapfuye (Rayon) kandi ari bazima.

Mu mikino 30 y’uyu mwaka w’umupira warangijwe none, Kiyovu yayihuyemo n’akaga kuko yatsinzwemo 15 inganya imikino icyenda ibasha gutsinda itandatu gusa.

Kiyovu yanyuzemo ibihangange mu mupira w’u Rwanda nka Muvara Valens, Ashlaf Kadubiri, Eric Nshimiyimana kugeza kuri ba Mugiraneza Jean Bapstiste, ni ikipe imaze imyaka 55 ikina mu kiciro cya mbere. Mu mateka yayo ntiyigeze ikina mu kiciro cya kabiri.

Kiyovu imanutse iri gutozwa by’agateganyo n’umutoza wahoze anayikinira mu myaka ishize Djabir Mutarambirwa wari wizeye ko hari icyo yahindura imbere ya Rayon ariko biranga.

Kiyovu ntabwo imanutse yonyine ahubwo imanukanye n’ikipe ya Pepiniere nubwo yatsinze umukino wayo yakinaga uyu munsi na Gicumbi FC ibitego bitatu kuri kimwe.

Kiyovu yasabwaga gutsinda ngo igire amanota 30 (kuko ifite 27) bityo ikaba yaca kuri Gicumbi FC ifite amanota 28. Ibi ariko ntibyayishobokeye.

Ku munota wa 32 nibwo Rayon sports yabonye igitego cya mbere cyatsinzwe na Tidiane Kone ku mupira ahawe na Nova Bayama.

Nyuma y’iminota 25 igice cya kabiri gitangiye abasore ba Masudi babona igitego cya kabiri ku ikosa ryakorewe Muhire Kevin haboneka free kick hafi y’urubuga rw’amahina, yinjizwa neza na Kwizera Pierrot.

Rayon sports yari yakoze ku nkingi za mwamba zayo ngo imanure mukeba wa kera

Kiyovu sports ntiyari ihagaze neza muri uyu mwaka w’imikino

Ba myugariro ba Rayon sports Manzi Thierry na Munezero Fiston nta kazi gakomeye bahawe na Lomami Andre wa Kiyovu

Nzeyurwanda Jimmy Djihad wagiye muri Kiyovu sports mu mikino yo kwishyura ntako atagize ngo ayiramire ariko biranze iramakunuka

Nubwo nta kinini barwaniraga, Rayon sports yabanjemo abakinnyi bayo basanzwe babanzamo barimo Tidiane Kone watsinze igitego cya mbere

Ngirimana Alexis kapiteni wa Kiyovu sports yamanutse mu kiciro cya kabiri ku nshuro ya mbere

Imikino y’umunsi wa 30 irangiye kuri uyu mugoroba:

APR FC 1 – 2 Bugesera FC
SC Kiyovu 0 – 2 Rayon Sports FC
Gicumbi FC 1 – 3 Pepiniere Fc
Police FC 4 – 2 Marines FC
Mukura VS 0 – 1 Kirehe FC
Musanze FC 1 – 0 Sunrise FC
Espoir FC 0 – 1 AS Kigali

Abafana ba Gicumbi mu byishimo bamaze kumva inkuru nziza icuye i Kigali ko Kiyovu nayo yatsinzwe nk’uko nabo batsindiwe aha iwabo. Gusa bo ikipe yabo ntiyamanutse kuko yari kumanuka iyo Kiyovu itsinda

Uko amakipe arangije shampionat n’amanota afite

1 Rayon           30                    73
2 Police FC     30                    61
3 APR FC       30                    57
4 AS Kigali     30                    53
5 Bugesera      30                    50
6 Musanze       30                    45
7 Espoir           30                    39
8 Etincelles      30                    37
9 Sunrise         30                    33
10 Amagaju     30                    33
11 Kirehe        30                    32
12 Mukura      30                    32
13 Marines      29                    30
14 Gicumbi     30                    28

15 Kiyovu       30                    27
16 Pepiniere    30                    17

Nova Bayama niwe mukinnyi wa Rayon sports wagoye Kiyovu cyane

Abasore ba Rayon sports bishimira igitego cya kabiri

Muhire Kevin mbere yo gukorerwaho ikosa ryavuyemo Penaliti yabyaye igitego cya gatatu

Kwizera Pierrot atera free kick yavuyemo igitego cya kabiri

Uyu mupira wamanukiye mu izamu

Nyuma ya buri gitego Kwizera Pierrot na Tidiane Kone bahanaga ‘Salut’

Umukino urangiye byari agahinda gakomeye ku bakinnyi ba Kiyovu sports barimo umurundi Bigirimana Blaise

Munyaneza Ashlaf Kadubiri umwe mu bafite amateka muri Kiyovu mu gahundi kagaragara ku maso

Bamwita Bibi, ijwi rye ryumvikanaga hose muri Stade aho Kiyovu yabaga yakiniye, ubu azajya ayifanira ku Gitikinyoni cyangwa i Rugende

Umukino urangiye bagiye gushyignura Kiyovu

Rwarutabura niwe wari uyoboye umuhango wo gushyingura, aha ngo yasomaga misa, abandi baboroga ku ruhande

Abafana ba Rayon bari gushyingura Kiyovu, bamwe banayiririga byo kuyishunga

Kiyovu ngo bayishyinguye iwayo ku Mumena

Inkuru ya umuseke.rw

Ni mumpera z’iki cyumweru gishize nibwo Itsinda One in Christ nyuma yo gusura ibitaro bya Kabgayi ryafashije umukecuru itabona wo mu murenge wa Shyorwe witwa Felisita.

Nkuko twabitangarijwe na Placide umuyobozi wa One in Christ nuko kuwa 10.06.2017 ubwo basuraga ibitaro bya Kabgayi muri gahunda bihaye yo gusura abarwayi no gufasha abababaye bakagira n’ibyo babafashisha, baganirijwe na Byukusenge Prisca maze ababwira umukecuru utabona kandi udafite n’umwana n’umwe basanga biri ngombwa ko bamusura maze bakagiira ibyo basangira nawe ndetse bagafata no gusenga nk’abakristo.

Umuyobozi wiritsinda Bwana Placide  yaradutangarije ko bafashe umwanya bajya gusura uyu mukecuru utabona ndetse akanavuga gake cyane maze baramuganiriza ndetse bamuha n’ibyo kurya bitandukanye banamuganiriza ijambo ry’Imana nk’abakristo dore ko icyo bifuza nkuko yabivuze intego yabo ari ukwigisha abantu gukora neza.

Placide abajijwe icyabateye gusura uyu mukecuru wo mu murenge wa Shyorwe yagize ati : “ twaganirijwe na Byukusenge Prisca atubwiye ubuzima uyu mukecuru abamo twumva dukwiye kumusura ndetse tukagira icyo dusangira nawe.”

Twabibutsa ko iri tsinda One in Christ rihuriramo n’abantu baturutse mu nsengero zitandukanye kuri ubu hakaba higanjemo urubyiruko rwinshi, bakaba bariyemeje kujya bakora ibikorwa byivugabutumwa ritandukanye gusa rikaba ryiganjemo ibikorwa byo gufasha abantu batandukanye.

Nyakubahwa Muvuzigi w’Itorero rya ADEPR mbanje kubasuhuza!

Njyewe ubandikiye nitwa Intumwa y’Imana Paulo wa 5 (Utari uwo muri Bibiliya)

Mbere ya byose mbanje kwifatanya namwe mu kwishimira inshingano nshya muherutse guhabwa kugira ngo muragire umukumbi w’Imana.

Mu by’ukuri nashimishijwe cyane nuko ari mwe mwahawe kuyobora Itorero mu gihe cy’inzibacyuho. Itorero rimaze igihe kirekire mu gihu buri wese atabashaga gusobanukirwa neza igihe kizeyukira, ariko ubu birasa nkaho kigenda gitamuruka buhoro buhoro.  Twizeye neza ko Imana izabakoresha iby’ubutwari kugira ngo Itorero rikire koko.

Bimwe mu bintu byagiye bigarukwaho cyane mu bibazo byatsikamiye Itorero, ni Hotel Dove. Imyubakire y’iyi Hotel yasize imvune n’ibikomere byinshi mu mitima y’abayoboke ba ADEPR. Hari abayigereranije na ya myubakire y’ingoro z’abami bo muri Egiputa, ubwo abanya isirayeli mu gihe cy’uburetwa babumbishwaga amatanura y’amatafari yatwikishwaga inganagano mu rwego rwo kubababaza.

Abayoboke ba ADEPR bababonyemo igisubizo cyo kubaruhura iyo ngoyi kandi namwe ngira ngo mumaze kubyibonera. Mu bihe byashize mwakiriye inzandiko zari zigizwe n’ibibazo bisaga 100 mwagejejweho n’abayoboke banyu kandi nishimiye uburyo mwatangiye kubisubiza.

Muri iyi baruwa, Njyewe Intumwa Paulo wa 5 mbandikiye n’ukuboko kwanjye nshaka kubagezaho umubabaro natewe n’amakuru afatika nabonye ku bakozi ba Dove Hotel. Mu by’ukuri muzi uburyo Serivisi z’amahotel zisaba ukwitwararika kubera gahunda ya Leta yiswe “Nk’uwikorera ndetse na Na Yombi”

Izi gahunda Leta y’u Rwanda yazitangije mu rwego rwo kugira ngo zikangurire abanyarwanda kunoza Servise mu nzego zitandukanye. Mu mahoteli ho rero ni ikindi kintu kuko ari ho abantu benshi baba bategereje kubonera Serivisi zihuse kandi nziza. Kugira ngo umukiliya wagannye Hotel iri ku rwego rw’inyenyeri 3 nk’iza Dove Hotel yishime, bisaba ko n’umwakiriye agomba kuba koko afite ubwo bumenyi ndetse n’uburambe.

Nyakubahwa Muvugizi, nterwa impungenge n’ubushobozi bwa benshi mu bakozi baba muri iyi Hotel kuko nzi neza ko badafite ubunararibonye buhagije mu bijyanye na Serivisi zo mu mahoteli. Impamvu mvuga ibi, mbihera ku mitangiye y’akazi yabayeho ubwo aba bantu binjizwagamo. Muraramutse ugenzuye neza uburyo bagiye binjizwamo, mwasanga nta kizamini cy’akazi kigeze gitwangwa kuri hafi ya bose. Ikindi ni uko muri aba bakozi harimo igice kinini gituruka mu miryango imwe ku buryo umuntu yakwibaza umusaruro uzava muri aba bavandimwe bibera muri iyi Hotel.

Amakuru yizewe mfite, ni ay’uko bamwe mu bahoze ari abayobozi ba ADEPR kuri ubu batawe muri yombi, ari bo bazanaga bene wabo cyangwa se inshuti zabo bakazitereka muri iyi Hotel nk’abaterekamo “AMABUYE” batitaye ku bizapfa n’ibizakira. Ibi niba mushaka kubigenzura muzabaze imyirondoro yabo  ndetse n’impapuro bakoreyeho ibizamini bibinjiza mu kazi muzasanga harimo ikibazo cyo kutihanganirwa.

Nifuza ko mwazashyiraho ubugenzuzi bukomeye kuko niba nta gikozwe abayoboke ba ADEPR bazajya bumva ko imbaraga bashyize kuri Hoteli yabo nta musaruro zizatanga. Nyakubahwa Muvugizi, hari n’andi makuru avuga ko bamwe mu bayobozi b’iyi Hoteli bahuje amasano na ba Bayobozi nababwiye, ari bo bica bagakiza, bakanakandagira umuntu wese ushatse kubakosora kubera ubunararibonye buke bwabo.

Ndifuza ko iki kibazo mwagihagurukira mukakigira icyanyu kuko ni bidakorwa tuzasanga iyi Hotel yarahindutse urugo rw’abavukanyi n’ababanyi aka ya mvugo y’umurundi.

Nyakubahwa Muvugizi, ntidukwiye kwiyibagiza ko iyi Hotel abanyetorero benshi batarayiyumvamo kubera ibikomere batewe nayo. Birasaba rero kugaragaza ubudatsimburwa bwanyu mu gakora igishoboka cyose kugira ngo muce akavuyo n’icyene wabo biyirimo nk’abahagarariye umukumbi ejo uzababaza uburyo umutungo wawo wacunzwe.

Mwari mukwiriye gushyiraho uburyo bwo kumenyesha abayoboke banyu uko umutungo w’iyi Hotel ucunzwe ndetse n’abanyamigabane bayo b’ukuri (ShareHolders), kugira ngo bibavane mu rujijo. Ibi ni bikorwa, nizera ko bizavura ibikomere byinshi biri mu mitima yabo.

Mu gusoza iyi baruwa yanjye, mbashimiye uburyo mwihutira kutwumva mu gihe cyose twifuza kuvugana namwe, ndetse n’uburyo mwicisha bugufi imbere y’intama zanyu.

Nzashimishwa no kubona igisubizo cyanyu kuri iyi baruwa mbandikiye.

Ni mugire amahoro y’Imana n’imirimo myiza.

Yari Mwene So Intumwa y’Imana Pawulo wa 5.

Nyakubahwa Muvuzigi w’Itorero rya ADEPR mbanje kubasuhuza!

Njyewe ubandikiye nitwa Intumwa y’Imana Paulo wa 5 (Utari uwo muri Bibiliya)

Mbere ya byose mbanje kwifatanya namwe mu kwishimira inshingano nshya muherutse guhabwa kugira ngo muragire umukumbi w’Imana.

Mu by’ukuri nashimishijwe cyane nuko ari mwe mwahawe kuyobora Itorero mu gihe cy’inzibacyuho. Itorero rimaze igihe kirekire mu gihu buri wese atabashaga gusobanukirwa neza igihe kizeyukira, ariko ubu birasa nkaho kigenda gitamuruka buhoro buhoro.  Twizeye neza ko Imana izabakoresha iby’ubutwari kugira ngo Itorero rikire koko.

Bimwe mu bintu byagiye bigarukwaho cyane mu bibazo byatsikamiye Itorero, ni Hotel Dove. Imyubakire y’iyi Hotel yasize imvune n’ibikomere byinshi mu mitima y’abayoboke ba ADEPR. Hari abayigereranije na ya myubakire y’ingoro z’abami bo muri Egiputa, ubwo abanya isirayeli mu gihe cy’uburetwa babumbishwaga amatanura y’amatafari yatwikishwaga inganagano mu rwego rwo kubababaza.

Abayoboke ba ADEPR bababonyemo igisubizo cyo kubaruhura iyo ngoyi kandi namwe ngira ngo mumaze kubyibonera. Mu bihe byashize mwakiriye inzandiko zari zigizwe n’ibibazo bisaga 100 mwagejejweho n’abayoboke banyu kandi nishimiye uburyo mwatangiye kubisubiza.

Muri iyi baruwa, Njyewe Intumwa Paulo wa 5 mbandikiye n’ukuboko kwanjye nshaka kubagezaho umubabaro natewe n’amakuru afatika nabonye ku bakozi ba Dove Hotel. Mu by’ukuri muzi uburyo Serivisi z’amahotel zisaba ukwitwararika kubera gahunda ya Leta yiswe “Nk’uwikorera ndetse na Na Yombi”

Izi gahunda Leta y’u Rwanda yazitangije mu rwego rwo kugira ngo zikangurire abanyarwanda kunoza Servise mu nzego zitandukanye. Mu mahoteli ho rero ni ikindi kintu kuko ari ho abantu benshi baba bategereje kubonera Serivisi zihuse kandi nziza. Kugira ngo umukiliya wagannye Hotel iri ku rwego rw’inyenyeri 3 nk’iza Dove Hotel yishime, bisaba ko n’umwakiriye agomba kuba koko afite ubwo bumenyi ndetse n’uburambe.

Nyakubahwa Muvugizi, nterwa impungenge n’ubushobozi bwa benshi mu bakozi baba muri iyi Hotel kuko nzi neza ko badafite ubunararibonye buhagije mu bijyanye na Serivisi zo mu mahoteli. Impamvu mvuga ibi, mbihera ku mitangiye y’akazi yabayeho ubwo aba bantu binjizwagamo. Muraramutse ugenzuye neza uburyo bagiye binjizwamo, mwasanga nta kizamini cy’akazi kigeze gitwangwa kuri hafi ya bose. Ikindi ni uko muri aba bakozi harimo igice kinini gituruka mu miryango imwe ku buryo umuntu yakwibaza umusaruro uzava muri aba bavandimwe bibera muri iyi Hotel.

Amakuru yizewe mfite, ni ay’uko bamwe mu bahoze ari abayobozi ba ADEPR kuri ubu batawe muri yombi, ari bo bazanaga bene wabo cyangwa se inshuti zabo bakazitereka muri iyi Hotel nk’abaterekamo “AMABUYE” batitaye ku bizapfa n’ibizakira. Ibi niba mushaka kubigenzura muzabaze imyirondoro yabo  ndetse n’impapuro bakoreyeho ibizamini bibinjiza mu kazi muzasanga harimo ikibazo cyo kutihanganirwa.

Nifuza ko mwazashyiraho ubugenzuzi bukomeye kuko niba nta gikozwe abayoboke ba ADEPR bazajya bumva ko imbaraga bashyize kuri Hoteli yabo nta musaruro zizatanga. Nyakubahwa Muvugizi, hari n’andi makuru avuga ko bamwe mu bayobozi b’iyi Hoteli bahuje amasano na ba Bayobozi nababwiye, ari bo bica bagakiza, bakanakandagira umuntu wese ushatse kubakosora kubera ubunararibonye buke bwabo.

Ndifuza ko iki kibazo mwagihagurukira mukakigira icyanyu kuko ni bidakorwa tuzasanga iyi Hotel yarahindutse urugo rw’abavukanyi n’ababanyi aka ya mvugo y’umurundi.

Nyakubahwa Muvugizi, ntidukwiye kwiyibagiza ko iyi Hotel abanyetorero benshi batarayiyumvamo kubera ibikomere batewe nayo. Birasaba rero kugaragaza ubudatsimburwa bwanyu mu gakora igishoboka cyose kugira ngo muce akavuyo n’icyene wabo biyirimo nk’abahagarariye umukumbi ejo uzababaza uburyo umutungo wawo wacunzwe.

Mwari mukwiriye gushyiraho uburyo bwo kumenyesha abayoboke banyu uko umutungo w’iyi Hotel ucunzwe ndetse n’abanyamigabane bayo b’ukuri (ShareHolders), kugira ngo bibavane mu rujijo. Ibi ni bikorwa, nizera ko bizavura ibikomere byinshi biri mu mitima yabo.

Mu gusoza iyi baruwa yanjye, mbashimiye uburyo mwihutira kutwumva mu gihe cyose twifuza kuvugana namwe, ndetse n’uburyo mwicisha bugufi imbere y’intama zanyu.

Nzashimishwa no kubona igisubizo cyanyu kuri iyi baruwa mbandikiye.

Ni mugire amahoro y’Imana n’imirimo myiza.

Yari Mwene So Intumwa y’Imana Pawulo wa 5.

Nzigiyimana Fidele ni umuhanzi uririmba indirimbo zihimbaza Imana usengera mu  itorero rya ADEPR  wamenyekanye cyane ku ndirimbo nka Yesu yamamare ,Va mu nzira  Amunoni atagukoza isoni ,Imana yacu ntibeshya. Kuri uyu wa kabiri tariki ya 13 Kamena 2017 afatanyije n’ abakozi akoresha muri kompanyi ye (Campany ) itunganya imisatsi yitwa Mutima Salon , basuye umukecuru Mukaruhinda Cancilide bamuremera bamuha  ibikoresho byo kumufasha mu buzima bwa buri munsi birimo ibiribwa bitandukanye , kumurihira amezi 2 y’ inzu yo kubamo , banamugenera n’ intebe zo kwicaraho muri salon bifite agaciro k’ amafaranga ibihumbi Magana atatu na birindrwi n’ amafaranga Magana atanu (307 500 frws).

Nyiri inzu nawe yakiriye neza iki gikorwa anamuha andi mezi 2 yo kubamo atishyura

Ni igikorwa  mu by’ukuri byakirijwe na yombi n’abaturanyi,inshuti,ubuyobozi n’izindi nzego zo mu gace ka Masaka uyu mukecuru atuyemo,ndetse nawe ubwe ku giti cye yashimye cyane uyu muhanzi ndetse n’inkunga yamugeneye.Ni ibintu yagereranije n’ubukwe uyu muhanzi ngo yamukoreye ngo ntibiteze gusibangana mu ndiba y’umutima we.

Uyu mukecuru Cancilde nawe yishimiye cyane iki gikorwa akigereranya n’ubukwe

Mu kiganiro yahaye itangazamakuru ,Umukecuru Mukaruhinda  Cancilide yagize ati : ”sinabona uko  mbivuga  uyu munsi  mfite  ibyishimo byinshi nkesha  ubukwe mwankoreye ahangaha   mu kaza kunsura  mukampa ubufasha bukomeye  cyane , nyumwa y’ uko mfushije  umuryango wanjye wose  w’ abantu 8  nkasigara njye n’ umukobwa wanjye  umwe , ubu nibwo mbonye ubukwe kuva  nabaho  nishimye cyane ku bwanyu  mwaje kumvura  umubabaro  n’ agahinda nari mfite  kuko iyo hataba Gasinzigwa umukuru wa  Ibuka   wampumurije  akankomeza  mba narirutse  ku muhanda   ndabashimiye  cyane kandi  mbifurije  kuzahora uru rukundo”

Umuhanzi Fidele Nzigiyimana mu rugendo berekeza mu gikorwa

Umuhanzi Fidele Nzigiyima nawe yavuze ko  yifuza gukomeza gukora ibikorwa by’urukundo bisa gutya,agamije gukora ivugabutumwa riherekejwe n’imirimo.Yagize ati:”Nk’  umuhanzi uririmba indirimbo zihimbaza Imana  iki ni igikorwa   ntangiriyeho muri  uyu mwaka  mu bikorwa nifuza gukora  kuko  nifuza   kuzajya nkora  ibitaramo  bishingiye  ku gufasha abatishoboye  no   gufasha  bantu muri  rusange mu  ingeri zitandukanye  aho nzajya nkorana   n’ umurenge na koreyemo  igitaramo  ngakora  igitaramo  kigamije kurwanya ibiyobwa bwenge ,  kurwanya ubucyene  n’ ibindi”

Uyu  mukecuru waremewe na Fidèle  ni    umukecuru   ukomoka mu  Karere ka Nyaruguru  ku  Munini  hepfo ya Kibebo  yarI afite  abana  umunani  bamwicira   abana 7  n’ umutware we  muri Jenoside  yakorewe  Abatutsi  mu w’1994 . Ubu  kugeza ubu  yasigaranye   umwana umwe  , baje  kuzana i Kigali bahungutse  bashyikira umugira neza  aramucumbikira   hashize  imyaka  3 arahava atangira  kwikodeshereza  kugeza ubu nta nzu ye bwite arabona .

Umusigiti witwa MASJID BILAL uri haruguru gato y’urusengero rwa Zion Temple mu Gatenga, ushobora kubyara intambara ikomeye hagati ya bamwe mu basilamu n’umuvugabutumwa Apotre Gitwaza Paul; umushumba mukuru w’itorero rya Zion Temple mu Rwanda. Kuba umusigiti MASJID BILA  wegeranye n’urusengero rwa Gitwaza ubwabyo byabaye ikibazo, ariko hari n’ihangana rishingiye ku kutumvikana ku bijyanye no kugurira abaturage begereye urusengero n’umugisiti, buri ruhande rugamije kwagura.

Uwo musigiti uri hafi y’urusengero rwa Zion Temple, iyo abasilamu bari mu masengesho yabo bigahuza n’uko hari ibikorwa by’amasengesho birimo kubera muri Zion Temple, buri ruhande ruba rusakuriza urundi kuburyo habaho no kubangamirana ku mpande zombi. Hari yatanzwe n’umwe mu bayobozi bo mu Itorero rya Zion Temple, avuga ko bakoze inama bagatekereza kwagura ibikorwa byabo bagurira abaturage baturiye umusigiti n’urusengero, ibintu abasilamu bamwe bamenye ntibibashimishe.

Haruguru gato y’uru rusengero rwa Zion Temple hari n’umugisiti

Kuba Gitwaza yaba ateganya kugurira abaturage baturiye umugisiti uri hafi y’urusengero rwe bakimuka bityo akarushaho kugira ubutaka bunini bukikije umusigiti, byababaje cyane bamwe mu basilamu. Hari umusilamu witwa Sulaimani Djuma, wagaragaje akababaro ke abinyujije ku mbuga nkoranyambaga, aho asaba abandi basilamu kwifatanya bagahangana na Gitwaza yita umwanzi w’Imana.

Uyu yagize ati: “Asalam alaikum warahmatullah wabarakatuh Bavandimwe baislamu duhuje kwemera no kwizera, Allah aravuga ati Abarushanwa nimurushanwe! Bavandimwe uri tayari kurwanira inzira ya Allah, si yayindi y’imihoro mutagira ubwoba, ni ukwitanga mu mitungo. Hari umusigiti wo kwa Gitwaza, kafiri Gitwaza arashaka kugura impangu (ibipangu) ziwukikije ngo ace ubusilamu none umuislamu wese utinya Allah ukunda idini ye, iki nicyo gihe ngo dutabare idini ye duteranye tugurire bariya bantu twagure umusigiti umwanzi w’Imana atahatwara akahabangikanyiriza Allah“

Nk’uko akomeza abisobanura, ngo abasilamu barimo gukora ubukangurambaga ngo kuri iki Cyumweru tariki 18 Kamena 2017, bazahahurire ari benshi saa mbiri za mu gitondo, bateranye amafaranga yo kugurira abaturage baturiye umusigiti MASJID BILA kugira ngo utazagurwa na Gitwaza bita umukafiri bakanamufata nk’umwanzi w’Imana.

Inkuru ya ukwezi.com

Taribe, ni ijambo rivuga umwigishwa. Abataribe ni abana bato bafite hagati y’imyaka itatu kugeza nko kuri cumi n’irindwi, akenshi baba baturuka mu biturage, bakoherezwa n’abanyeyi ngo bajye kubana nuwo bita Marabu. Marabu uwo ni umwigisha wa korowani, ishuri bigiramo ari naho mu rugo rwa Marabu ryitwa Dara.

Igihe kinini, abo bana bitwa ko baje kwiga, bakimara basabiriza mu mihanda no mu mago, ngo babone amafaranga yo gufashisha Dara na Marabu wabo.  Ubabonye bwa mbere, ugira ngo ni abana basabiriza gusa, nyuma nibwo umenya ko ibyo bahabwa batabitwara iwabo, ko ahubwo babishyira uwo ushinzwe kubigisha.

Umunsi umwe,  umwe muri abo bana yaje kudusaba amafaranga, nuko impuhwe zidutera gushaka kumenya aho ataha kuko tutashoboraga kuyamuha, tuzi neza ko nawe ajya kuyaha uwo witwa umwigisha wabo, kandi ahubwo asa nk’ubacuruza. Twafashe icyemezo cyo gusura Marabu, ntibyari byoroshye ariko Imana yaradufashije tujyayo. Aho abo bana baba  barenga 50 hateye ubwoba, ibyo barya biteye agahinda, mbese ni umubabaro gusa. Twifuje gusangira n’abo bana ku migisha Uwiteka aduha, Umufasha wanjye ajyana n’umugore wa Marabu guhaha, bafatanya guteka nuko dusangira ifunguro ryiza n’abo bana, byari umunezero mwishi rwose.

ubutumwa muri Senegali kugirango bugire imbaraga, ni ukubaka ubucuti, umuntu umaze kukwizera no kubona ko uri umuntu nk’abandi niwe ubasha kukumva kuko ubundi abenshi baziko abakirisitu ari abanywi b’inzoga b’abasinzi, aba homosexuel, amafuti yose abaho.

ubucuti na Marabu turimo kubwubaka kandi hamwe n’umwuka w’Imana, impinduka zizabaho, mudusengere kuko icyo cyaba ari igitangaza gikomeye cyane.

Ubucuti buragenda bushinga imizi, twongeye kubasura, dushyiriye abana impano. Byari ibyishimo byinshi cyane.

Taribe, ni ijambo rivuga umwigishwa. Abataribe ni abana bato bafite hagati y’imyaka itatu kugeza nko kuri cumi n’irindwi, akenshi baba baturuka mu biturage, bakoherezwa n’abanyeyi ngo bajye kubana nuwo bita Marabu. Marabu uwo ni umwigisha wa korowani, ishuri bigiramo ari naho mu rugo rwa Marabu ryitwa Dara.

Igihe kinini, abo bana bitwa ko baje kwiga, bakimara basabiriza mu mihanda no mu mago, ngo babone amafaranga yo gufashisha Dara na Marabu wabo.  Ubabonye bwa mbere, ugira ngo ni abana basabiriza gusa, nyuma nibwo umenya ko ibyo bahabwa batabitwara iwabo, ko ahubwo babishyira uwo ushinzwe kubigisha.

Umunsi umwe,  umwe muri abo bana yaje kudusaba amafaranga, nuko impuhwe zidutera gushaka kumenya aho ataha kuko tutashoboraga kuyamuha, tuzi neza ko nawe ajya kuyaha uwo witwa umwigisha wabo, kandi ahubwo asa nk’ubacuruza. Twafashe icyemezo cyo gusura Marabu, ntibyari byoroshye ariko Imana yaradufashije tujyayo. Aho abo bana baba  barenga 50 hateye ubwoba, ibyo barya biteye agahinda, mbese ni umubabaro gusa. Twifuje gusangira n’abo bana ku migisha Uwiteka aduha, Umufasha wanjye ajyana n’umugore wa Marabu guhaha, bafatanya guteka nuko dusangira ifunguro ryiza n’abo bana, byari umunezero mwishi rwose.

ubutumwa muri Senegali kugirango bugire imbaraga, ni ukubaka ubucuti, umuntu umaze kukwizera no kubona ko uri umuntu nk’abandi niwe ubasha kukumva kuko ubundi abenshi baziko abakirisitu ari abanywi b’inzoga b’abasinzi, aba homosexuel, amafuti yose abaho.

ubucuti na Marabu turimo kubwubaka kandi hamwe n’umwuka w’Imana, impinduka zizabaho, mudusengere kuko icyo cyaba ari igitangaza gikomeye cyane.

Ubucuti buragenda bushinga imizi, twongeye kubasura, dushyiriye abana impano. Byari ibyishimo byinshi cyane.

Kuwa gatanu tariki ya 16/06/2017 nibwo Apotre Bizimana Ibrahim yasezeranye mu ibanga rikomeye na Madam Uwimana Patricia haba mu mategeko (Mu murenge) wa Kanyinya ndetse no mu rusengero imbere y’Imana bikaba byabereye mu Itorero rye ryitwa Sinai Holy Churc asezeranywa na Bishop Rubuguza.

Hari hashize imyaka ibiri Apotre Ibrahim atandukanye na Apotre Mukabadege Liliane aba bakaba barabarizwaga mu Itorero ryitwa Umusozi w’Ibyiringiro aho basezeranijwe na Apotre Paul Gitwaza ariko bagatandukana nyuma y’amezi make.

Aba, basabye urukiko ko batandukana binyuze mu mategeko bagahabwa gatanya maze barabikorerwa batandukana burundu. Nyuma y’amagambo atari make, Apotre Ibrahim Bizimana yafashe icyemezo cyo kongera gushaka umugore.

Mu kiganiro yagiranye na isange.com, Ap.Ibrahim Bizimana yavuze ko kuba yakoze ubukwe mu ibanga byatewe n’amateka mabi yagiranye na Ap.Mukabadege Liliane akaba ngo yirindaga ko hari umugambi mubi yakora nyuma yo kumenya ko agiye gukora ubukwe. Yongeyeho ko yakoze ubukwe afite budget ihagije ku buryo yumvaga atari ngombwa gutumira abantu benshi.

Apotre Ibrahim abajijwe kuwo barwubakanye, yavuze ko yitwa  Uwimana Patricia uyu akaba ngo ari umunyarwanda uba mu gihugu cy’Ubutaliyani, Yavuze ko mu misni mike azaba asubiye muri iki gihugu ariko ko batazajyanayo, ahubwo ko buri umwe azajya asura undi bitewe n’imirimo yabo.

Yasoje avuga ko abakristo bo mu Itorero rye ari bo basabye Bishop Rubuguza ko yaza gusezeranya Umushumba wabo ngo yongere agire urugo.

AMAFOTO:

Nyuma y’umuyaga ukomeye wahushye mu Itorero rya ADEPR, kuri ubu hatangiye kugaragara amavugurura akozwe n’abayobozi bashya baherutse guhabwa kuyobora Itorero mu gihe cy’inzibacyuho. Ni muri urwo rwego aba bayobozi bashyizeho umuyobozi mushya ushinzwe ubuzima bw’Itorero Bwana Kamugisha Nathan bivugwa ko yari mu batavugaga rumwe n’ubuyobozi bwatawe muri yombi.

Mu kiganiro yagiranye na isange.com, Past.Kamugisha yavuze ko kuwa kane tariki ya 15/06/2017 ari bwo umunyamabanga wa ADEPR Ruzibiza Viateur yamwakiriye mu biro bye amubwira ko yahawe inshingano zo kuba ushinzwe ubuzima bw’Itorero. Isange.com yagerageje guhamagara Rev.Ruzibiza Viateur kugira ngo igire icyo ibimubazaho ariko ntiyabasha kumubona kuko atitabye telefoni.

Pastor Kamugisha yavuze ko aje gushyira imbere ivugabutumwa kuko ari cyo Imana ihamagarira Itorero muri iki gihe. Abajijwe ibyo azakosora, avuga ko nta kindi cyo gukosora kitari kubaka ivugabutumwa rihamye kuko ari cyo Imana isaba abanyetorero, gusa yongeraho ko ibyo atangaje byose ari ibitekerezo bye ko adashinzwe kuvugira Itorero.

Pastor Niyitanga Salton ni umwe mu bayobozi ba ADEPR batawe muri yombi kubera kunyereza umutungo w’Itorero rya ADEPR akaba yasimbuwe na Past.Kamugisha

Yabajijwe kandi ku kuba Itorero rishyirwa muri Politiki cyane bigatuma benshi mu bakristo babyivovotera, maze kuri iyi ngingo avuga ko Politiki atari ikintu kibi cyabuza abanyetorero gukora imirimo yabo. Yasabye abakristo gukomeza gusenga mu bihe Itorero ririmo kuko ari cyo Imana ibashakaho.

Pastor Kamugisha abaye uwa mbere ushyizwe mu myanya y’ubuyobozi bwo hejuru mu bantu bahirimbaniye ko ubuyobozi bwatawe muri yombi bwahindura imiyoborere ndetse bugakosora amakosa bwakoraga. Haracyategerejwe ko n’abandi bahirimbaniye izi mpinduka bahabwa imyanya.

Mu kiganiro isange.com yagiranye na bamwe mu bapasiteri bakoranaga bya hafi na Kamugisha, bavuze ko bishimiye ko batangiye kubona umusaruro w’ibyo baharaniye kuko ubuyobozi bushya bwa ADEPR bwatangiye gutekereza ku bantu baharaniraga ko mu Itorero habaho impinduka.

Nyuma y’umuyaga ukomeye wahushye mu Itorero rya ADEPR, kuri ubu hatangiye kugaragara amavugurura akozwe n’abayobozi bashya baherutse guhabwa kuyobora Itorero mu gihe cy’inzibacyuho. Ni muri urwo rwego aba bayobozi bashyizeho umuyobozi mushya ushinzwe ubuzima bw’Itorero Bwana Kamugisha Nathan bivugwa ko yari mu batavugaga rumwe n’ubuyobozi bwatawe muri yombi.

Mu kiganiro yagiranye na isange.com, Past.Kamugisha yavuze ko kuwa kane tariki ya 15/06/2017 ari bwo umunyamabanga wa ADEPR Ruzibiza Viateur yamwakiriye mu biro bye amubwira ko yahawe inshingano zo kuba ushinzwe ubuzima bw’Itorero. Isange.com yagerageje guhamagara Rev.Ruzibiza Viateur kugira ngo igire icyo ibimubazaho ariko ntiyabasha kumubona kuko atitabye telefoni.

Pastor Kamugisha yavuze ko aje gushyira imbere ivugabutumwa kuko ari cyo Imana ihamagarira Itorero muri iki gihe. Abajijwe ibyo azakosora, avuga ko nta kindi cyo gukosora kitari kubaka ivugabutumwa rihamye kuko ari cyo Imana isaba abanyetorero, gusa yongeraho ko ibyo atangaje byose ari ibitekerezo bye ko adashinzwe kuvugira Itorero.

Pastor Niyitanga Salton ni umwe mu bayobozi ba ADEPR batawe muri yombi kubera kunyereza umutungo w’Itorero rya ADEPR akaba yasimbuwe na Past.Kamugisha

Yabajijwe kandi ku kuba Itorero rishyirwa muri Politiki cyane bigatuma benshi mu bakristo babyivovotera, maze kuri iyi ngingo avuga ko Politiki atari ikintu kibi cyabuza abanyetorero gukora imirimo yabo. Yasabye abakristo gukomeza gusenga mu bihe Itorero ririmo kuko ari cyo Imana ibashakaho.

Pastor Kamugisha abaye uwa mbere ushyizwe mu myanya y’ubuyobozi bwo hejuru mu bantu bahirimbaniye ko ubuyobozi bwatawe muri yombi bwahindura imiyoborere ndetse bugakosora amakosa bwakoraga. Haracyategerejwe ko n’abandi bahirimbaniye izi mpinduka bahabwa imyanya.

Mu kiganiro isange.com yagiranye na bamwe mu bapasiteri bakoranaga bya hafi na Kamugisha, bavuze ko bishimiye ko batangiye kubona umusaruro w’ibyo baharaniye kuko ubuyobozi bushya bwa ADEPR bwatangiye gutekereza ku bantu baharaniraga ko mu Itorero habaho impinduka.

LUKA 10:17-20 Nuko abo mirongo irindwi bagaruka bishīma bati “Databuja, abadayimoni na bo baratwumvira mu izina ryawe.” Arababwira ati “Nabonye Satani avuye mu ijuru, agwa asa n’umurabyo. Dore mbahayeubutware bwo kujya mukandagira inzoka na sikorupiyo, n’imbaraga z’Umwanzi zose, kandi nta kintu kizagira icyo kibatwara rwose.

Ariko ntimwishimire yuko abadayimoni babumvira, ahubwo mwishimire yuko amazina yanyu yanditswe mu ijuru.”

  IMPANO

Maze gusoma iri jambo nafashe umwanya wo kuritekerezaho maze numva nganirizwa mu buryo bukurikira  aribwo turibuze kiganiraho muri iki kigisho ariko ndibuze cyane kwibanda  kugukorera mumpano  duhabwa  cyangwa dufite biciye munzira nyinshi…

Yesu abwira abigishwa be  ndetse yanagendanaga nabo umunsi kuwundi ati  <<mwe kwishimira ko abadayimoni babumvira   ahubwo  amazina yanyu yandikwe  mugitabo cy’ubugingo >>

IMANA itanga impano zitandukanye  kubakozi bayo ariko kandi iyo tutayisengeye iteka ngo twumve icyo mwuka WERA atuyoboramo kandi tumwumvire  iyi mpano niyo satani akoresha  kuturimbura twebwe  abayikoreramo  nubwo hari benshi ifasha  bakajya mu ijuru  cyangwa se bakakira YESU nk’umwami numukiza w’ubugingo bwabo, izo mpano rero muri iki gihe zimaze gutuma benshi bibagirwa icyari ngombwa   kuruta ibindi  ariko kwandikwa kwamazina yabo migitabo cy’ubugingo  kuko barimo gukoreshwa ibitangaza  ndetse bitwaye imitima yabo  kuko nubwo babwiriza cyane ariko ntibashaka imitima ndetse n’intama yazimiye nkuko yesu abishaka  ahubwo barashaka ibyo intama zitanga   banejejwe no gukama kuruta kuragira umukumbi YESU yabaragije .

Yeremiya8:

11 Bagerageza komora uruguma

rw’umukobwa w’ubwoko

bwanjye baruca hejuru, bavuga

bati “ni amahoro! Ni amahoro,”

kandi nta mahoro ariho.

Igitumye abakozi b’IMANA benshi birengagiza ukuri  nuko batwawe benshi n’umwuka wo gukunda amafaranga  ndetse baranayashakisha  munzira zose  kugirango  bayagereho   kuko   imitima yabo yamaze gutwarwa  nayo  bituma uwo mwuka utsikamira kwera kw’IMANA muri bo ntago bagifite gutinya IMANA no kuyubaha

Abaheburayo13:5 Imibereho yanyu ntikarangwe no gukunda amafaranga, ahubwo mujye munyurwa n’ibyo mufite, kuko yavuze iti “sinzagusiga rwose kandi sinzagutererana.” Impano  no gukunda  amafaranga bihugije abantu bituma bibagirwa kwera no gukiranuka kandi aribyo Imana ibashakaho.

Umwuka wo kuraguza no guterekera  mu nzu y’Imana

Abantu bishimiye cyane gukoreshwa ibitangaza ndetse no guhanura kuruta uko bita kubuzima bwo gukiranuka ndetse n’ubuhamya bwabo hanze  bamwe bahimba ibinyoma abandi nabo batwawe n’Impano cyane  kuruta uko bubaha Imana .

Kuko imitima y’abanyarwanda benshi yirukira aho yumvise umuhanuzi  wakibaza niba abantu bashakira Imana ibyo ibaha cyangwa bajyanwa n’urukundo bakunze Imana  yabo, ibi rero byatumye hinjira undi mwuka mu itorero ry’IMANA  kandi  ni ikizira IMANA YANGA URUNUKA  nicyo tugiye kuvugaho gato:

Kuva kera hose tuziko mubanyarwanda cyangwa abakura mbere bacu baraguzaga bakanaterekera iyo rero witegereje itorero rya none usanga uyu mwuka waraje no mu itorero aho usanga abantu batagikurikiye Imana ngo bayishake  bayisenge ahubwo birukankira ahari umuhanuzi runaka kandi bimaze kuba umuco mu matorero ndetse no mu byumba hirya no hino b’yamasengesho.

Ibi rero Yesu yarebye abigishwa be maze ahitamo kubabwira igikwiye kandi kiruta ibindi aricyo nakubwira nawe usoma iki kigisho  ngo we kwishimira ko abadayimoni bakumvira ahubwo reba ko amazina yawe yanditse mu gitabo cy’ubugingo kuko impano n’agakiza biratandukanye cyane abantu benshi barimo gukorera mumpano bahawe ariko wareba imbuto zabo ugasanga mu byukuri barimo batukisha izina ry’Imana  ese  nawe uyu munsi ntiwaba wishimiye ko abadayimoni bakumvira ukirengagiza igikwiriye aricyo gakiza nubugingo bwawe bukaba burimo kujya mukaga kubera urimo gushaka cyane ibitangaza no kwemez abantu isi yose ikakumenya ariko izina ryawe ritari mugitabo cy’ubugingo ?

Ese ntiwasanga warabaye umupfumu mu nzu y’Imana  abantu basigaye baza kuraguza kandi wibwira ko urimo gukorera Imana ? Banza wibaze muribyo urimo gukora icyubahiro cy’Imana kiri he he?Ntago dushatse gupinga abahanuzi nabakozi b’Imana  ariko ndashaka kukwibutsa ko Uwiteka areba  motivation(Impamvu) ituma ukora ibyo ngibyo rero uzahembwa bitewe nikigusunikira kubikora. IMANA ntago uyu munsi igushakaho kwemeza abantu ahubwo ikeneye ko wowe wahinduka nawe ukaba igikoresho kizima cyera kiyihimbaza

Rom 12:1-2 Nuko bene Data, ndabinginga ku bw’imbabazi z’Imana ngo mutange imibiri yanyu, ibe ibitambo bizima byera bishimwa n’Imana, ari ko kuyikorera kwanyu gukwiriye. Kandi ntimwishushanye n’ab’iki gihe, ahubwo muhinduke rwose mugize imitima mishya, kugira ngo mumenye neza ibyo Imana ishaka, ari byo byiza bishimwa kandi bitunganye rwose.

Abenshi rero muri iki gihe banejejwe nuko abadayimoni barimo kubumvira ariko birengagije ko Yesu akeneye ko tumwubaha kuruta ibyo dukora mu izina rye  kwemeza abantu byabaho ariko ndagira ngo umenye ko ubwawe utabasha guhindura mwuka wera niwe wenyine uhindura umutima akewemeza ibyaha byawo rero reka gutinda mu mpano ufite kuko ntago izakujyana mu ijuru kandi gukora byinshi mu izina ryayo ntibisobanuye ko ariyo koko irimo kugukoresha benshi barimo kubeshya mu izina rya Yesu reka kwitirira ikinyo cyawe Imana kuko yo niyera kandi izakomeza kuba iyera ariko uyu munsi wa none ndakugira inama yuko warekera aho ugahindura imyumvire nawe Yesu aragushaka .

Matayo7:27

Benshi bazambaza kuri uwo munsi bati ‘Mwami, Mwami,ntitwahanuraga mu izina ryawe, ntitwirukanaga abadayimoni mu izina ryawe, ntitwakoraga ibitangaza byinshi mu izina ryawe?’

Ni bwo nzaberurira nti “Sinigeze kubamenya, nimumve imbere mwa nkozi z’ibibi mwe”

Abantu benshi rero barimo gukora cyane ariko ikibanejeje nukweze isi, kugaragara cyane ndetse n’ubutunzi butumye benshi batandukana n’Imana ariko Yesu akomeza abwira abigishwa be abantu bnshi bazavuga ko bahanuraga mu izina rye ariko we atarigeze kubamenya.

Ikibazo  ese muri ubwo buhanuzi, ibitangaza, kwirukana abadayimoni n’ibindi byinshi ….urimo gukora uzwi nande? Urimo kubikora mu izina ryande?

Uyu munsi biradusaba ko twakisuzuma kuko Yesu ntakeneye ko twemeza abantu gusa ahubwo akeneye ubuhamya bwacu ndetse ko n’amazina yacu yandikwa mu gitabo cy’Ubugingo  birashoboka ko umuntu yagira impano ndetse yakwerekwa  cyangwa agahanura ariko we adakijijwe cyangwa ibyo byose akabyitirira Imana ariko atariyo Imutumye  rero twari dukwiye gusunikwa n’urukundo dukunze Imana atari ukujya munsengero gushakamo ibitangaza nibindi biturangaza bigatuma Yesu atagura umwanya mu mitima yacu .

Yesu abahe umugisha cyane.

Ev.Mucyo DAvid

Ev Mucyo David duhindure identite tube abana b,Imana

+250788357035ngabomucyo@yahoo.fr  or  mucyoild@gmail.com

Mu rwego rwo kwibuka abazize Jenoside yakorewe abatutsi mu 1994, iteroro rya ADEPR Paruwasi ya Kimihurura, tariki ya 17 Kamena 2017, bateguye umuhango wo kwibuka abari abakristo b’iyo paruwasi bazize Jenoside yakorewe abatutsi mu 1994. Uyu muhango ukaba wabimburiwe n’urugendo rwo kwibuka rwaturutse kuri ADEPR Kimihurura rwerekeza ku rwibutso rwa Ntarama mu Bugesera.

Uyu muhango witabiriwe n’ubuyobozi bwa ADEPR ku rwego rw’ururembo bwari buhagarariwe na Rev. Rurangiwa Emmanuel ndetse n’ubuyobozi wa Paruwasi ya Kimihurura n’abayoboke b’iyi paruwasi, ndetse n’ababuriye ababo muri iyi paruwasi.

Uyu muhango wabimburiwe n’urugendo rwo kwibuka rwatangiriye ku rusengero rwa ADEPR Kimihurura rwerekeza ku rwibutso rwa Jenoside rwa Ntarama, mu karere ka Bugesera, ahunamiwe hakanashyirwa indabo kumva zishyinguyemo imibiri y’abazize Jenoside yakorewe abatutsi mu 1994, basaga ibihumbi bitanu (5000).

Rev. Rurangirwa Emmanuel, umuyobozi w’ururembo rw’umujyi wa Kigali yagarutse kuri gahunda itorero rya ADEPR ryafashe yo kwibuka abazize Jenoside yakorewe abatutsi bari abayoboke ba ADEPR, no kuremere abasizwe iheruheru n’aya mahano , aho buri paruwasi yagiye yubakira inzu uwacitse ku icumu yakorewe abatutsi mu 1994.

Sifa Umutoni, umwe mu bayoboke b’itorero ADEPR Kimihurura witabiriye uyu muhango, yatangarije ikinyamakuru isange.com ko igikorwa nk’iki nk’urubyiruko bibafasha gusobanukirwa amateka yaranze u Rwanda, bityo bikabafasha kubaka ejo hazaza hazira ivangura, amakimbirane n’ibindi bityo ubumwe n’ubwiyunge bukarushaho gusagamba mu Rwanda.

Sifa Umutoni umwe mu bari bitabiriye uyu muhango

Uwizeye Pracide, umwe mu bayoboke b’itorero ADEPR Kimihururra nawe witabiriye iki gikorwa, avugako abonako igikorwa cyo kwibuka ari indashyikirwa kuko bituma itorero ryibuka abarisengeragamo, kandi ukongera kuba umwanya wo kwegerana no kwibukiranya amateka yaranze igihugu.

Yagize ati:” Igikorwa nk’iki nigiramo kubana neza n’abandi ndetse nkongera kuzirikana ababohoje igihugu bagahagarika Jenoside, bakubaka u Rwanda rubereye abanyarwanda bose kugeza ubu.”

Uyu muhango wakomereje ku rusengero rwa ADEPR Kimihurura, ahahuriye abakristo bose b’iri torero bagahabwa ibiganiro bigendanye no kwibuka Jenoside yakorewe abatutsi mu 1994 ndetse no kwirinda ingengabitekerezo ya Jenoside.

Umushumba wa Paruwasi ya ADEPR Kimihurura, aganira n’ikinyamakuru isange.com, avuga ko bateguye iki gikorwa ngaruka mwaka, bagamije kwibuka abakristo babo bazize Jenoside yakorewe abatutsi mu 1994.

Umushumba wa Paruwasi ya Kimihurura Rev. Pastor MUGIRANEZA Jean Baptiste

Mu magambo ye yagize ati” Kugeza ubu, abo twibuka bazize Jenoside yakorewe abatutsi mu 1994 muri paruwasi yacu ya Kimihurura ni 23, mbese nibo tumaze kumenya. Twateguye iki gikorwa cyo kwibuka mu rwego rwo kunamira no guha agaciro izo nzirakarengane zari ingingo z’itorero ryacu”

Mu gihe abanyarwanda bibuka Jenoside yakorewe abatutsi mu 1994, ku ncuro ya 23, amaparuwasi yose agize itorero rya ADEPR hirya no hino mu gihugu akomeje igikorwa cyo kunamira abari abayoboke b’iri torero bazize Jenoside yakorewe abatutsi mu 1994, no kuremera imiryango yasizwe iheruheru n’aya mahano.

Kuri iki cyumweru tariki ya 18/06/2017 ku isaha ya saa 10h00  I Gikondo mu Gatenga ku musigiti witwa Masjid Bilal habereye igikorwa cyiswe “Kurwana urugamba rutagatifu” rugamije guteza imbere uyu musigiti mu rwego rwo gushaka inkunga yo kuwagura hagurwa ubutaka buwukikije burimo ingo z’abayisilamu ndetse n’urusengero rwa Zion Temple.

Abayoboke b’idini ya Islam bagera kuri 200 nibo bitabiriye iki gikorwa, barimo abagabo, abagore n’abana, baranzwe n’ishyaka rikomeye ryo gukusanya amafranga yateza imbere uyu musigiti wabo. Umusangiza w’amagambo muri iki gikorwa yasabiraga abitangaga bose umugisha ku Mana , akabanasa abateraniye aho kubasabira mu mvugo ya “”Allah Akbal , Alh Akbal”

Buri muntu wese witangaga bamusabiraga uyu mugisha.

Bahamagaye Imana mu mazina yayo matagatifu basenga cyane basengera buri muntu wese utanze. HASENGEWE UMUNTU WITANZE IBIHUMBI 100 basaba Imana ko igifungo cyazarangira yarakize ubu burwayi bose bikiriza bati “Amina”

Umusangiza w’amagambo yifurije umwe mu batanze ibihumbi 50.000 kuzagira igitabo bita Kolowani mu nzu ye n’umuryango we ukazagira  Kolowani mu mitwe yabo kuko ari igitabo Imana yahaye umugisha. Undi mugore muri iri teraniro yitanze amafranga 50,000 avuga ko afite icyifuzo cy’uko umugabo we yakira. Undi mugore nawe yari amaze kwitanga ibihumbi 50, maze atanga ikifuzo cy’uko umryango we wose wazaba abagandikiramana.

Hari undi mugore nawe witanze ibihumbi 100 nyuma y’uko Imana yamuhaye umwana umwe akunda cyane, ibi bikaba byarabayeho nyuma yuko Se umubyara ashatse abagore babiri, ariko ngo akaba ashima Imana yuko yabahaye urukundo rudasanzwe mu muryango wabo. Yasabye Imana ko yamubikira ikibanza mu ijuru. Nyuma nawe bamusabiye Takbir.

Umusangiza w’amagambo ati “Allah Ahuma, bati Amina”

Umusangiza w’amagambo yavuze ko mu bwitange bwabanjiriye ubw’uyu munsi hari umuntu wazanye igikapu cyuzuye ibigori yavanye mu murima we avuga ko yabuze amafranga, maze abari aho ngo babigura ibihumbi 65 ndetse n’icyo gikapu cye kiragurwa.

Muri iki gikorwa kandi hari undi watanze inketo ze yari kuzambara ku munsi wo gusoza igisibo. Uyu yasabiye abana be kugira iherezo ryiza no kugira ubuzima bwiza ndetse no kuzabona abagore beza batinya Imana.  Izo nkweto zahawe uyu mugore, maze bamusaba ko yazazambara ku irayidi. Basaba Takbir.

Mu kiganiro Sheik Nsengiyumva Suleiman (Imam) ukuriye imisigiti yo mu karere ka Kicukiro yagiranye na isange.com, yavuze ko iki gikorwa kigamije kugura ubutaka bw’abaturage bo mu Idini ya Islam kuko Apotre Paul Gitwaza yashatse kubugura ariko bakabimwangira. Abaturage bashaka kugurisha ubu butaka ni abo mu Idini ya Islam ni nayo mpamvu ngo Apotre Gitwaza yashatse kubugura ariko baakbumwima ahubwo bakemera kubuha RMC (Rwanda Musilm Commission)

Yavuze ko uyu musigiti wubatswe mu 1962, bityo bakaba bashaka kuwagura kugira ngo uzakorerwemo n’ibindi bikorwa by’iterambere. Sheik Nsengiyumva yavuze kandi ko muri uyu musigiti habarirwa abayoboke 250 ariko ngo hari abakristo baza mu idini ya Islam bakabakira harimo n’abaturutse mu Itorero rya Zion Temple.

Hano ni kuri Zion Temple hahana imbibi n’uyu musigiti

Yavuze ko uyu musigiti waba uri ku rwego rwiza ku buryo waba ufite inyubako eshatu zigerekeranye. Yongeyeho ko ubutaka bashaka kugura bufite metero 75 kuri 35. Yongeyeho ko bakeneye kuzagura ubutaka bunini ku buryo ni bishoboka bazanagura ubwa Zion Temple bahana imbibi mu bihe bizaba bibaye ngombwa. Yavuze ko umuryango wa Islam mu Rwanda RMC uzabatera inkunga mu gihe bazaba batangiye iyi nyubako cyane ko bizeye ko ubu butaka mu minsi mike bwose bazaba bamaze kubugura.

Yasoje avuga ko amagambo aherutse kuvugwa n’umwe mu bayoboke babo ubwo yitaga Gitwaza Umukafiri ndetse n’umwanzi w’Imana nta muntu wari wabimutumye, ko ayo magambo yayavuze ku bwende bwe. Yasoje atangaza ko ijambo ry’Imana ribasaba gukoresha imvugo nziza ku bantu badahuje ukwemera.

AMAFOTO:

Kuri iki cyumweru tariki ya 18/06/2017 ku isaha ya saa 10h00  I Gikondo mu Gatenga ku musigiti witwa Masjid Bilal habereye igikorwa cyiswe “Kurwana urugamba rutagatifu” rugamije guteza imbere uyu musigiti mu rwego rwo gushaka inkunga yo kuwagura hagurwa ubutaka buwukikije burimo ingo z’abayisilamu ndetse n’urusengero rwa Zion Temple.

Abayoboke b’idini ya Islam bagera kuri 200 nibo bitabiriye iki gikorwa, barimo abagabo, abagore n’abana, baranzwe n’ishyaka rikomeye ryo gukusanya amafranga yateza imbere uyu musigiti wabo. Umusangiza w’amagambo muri iki gikorwa yasabiraga abitangaga bose umugisha ku Mana , akabanasa abateraniye aho kubasabira mu mvugo ya “”Allah Akbal , Alh Akbal”

Buri muntu wese witangaga bamusabiraga uyu mugisha.

Bahamagaye Imana mu mazina yayo matagatifu basenga cyane basengera buri muntu wese utanze. HASENGEWE UMUNTU WITANZE IBIHUMBI 100 basaba Imana ko igifungo cyazarangira yarakize ubu burwayi bose bikiriza bati “Amina”

Umusangiza w’amagambo yifurije umwe mu batanze ibihumbi 50.000 kuzagira igitabo bita Kolowani mu nzu ye n’umuryango we ukazagira  Kolowani mu mitwe yabo kuko ari igitabo Imana yahaye umugisha. Undi mugore muri iri teraniro yitanze amafranga 50,000 avuga ko afite icyifuzo cy’uko umugabo we yakira. Undi mugore nawe yari amaze kwitanga ibihumbi 50, maze atanga ikifuzo cy’uko umryango we wose wazaba abagandikiramana.

Hari undi mugore nawe witanze ibihumbi 100 nyuma y’uko Imana yamuhaye umwana umwe akunda cyane, ibi bikaba byarabayeho nyuma yuko Se umubyara ashatse abagore babiri, ariko ngo akaba ashima Imana yuko yabahaye urukundo rudasanzwe mu muryango wabo. Yasabye Imana ko yamubikira ikibanza mu ijuru. Nyuma nawe bamusabiye Takbir.

Umusangiza w’amagambo ati “Allah Ahuma, bati Amina”

Umusangiza w’amagambo yavuze ko mu bwitange bwabanjiriye ubw’uyu munsi hari umuntu wazanye igikapu cyuzuye ibigori yavanye mu murima we avuga ko yabuze amafranga, maze abari aho ngo babigura ibihumbi 65 ndetse n’icyo gikapu cye kiragurwa.

Muri iki gikorwa kandi hari undi watanze inketo ze yari kuzambara ku munsi wo gusoza igisibo. Uyu yasabiye abana be kugira iherezo ryiza no kugira ubuzima bwiza ndetse no kuzabona abagore beza batinya Imana.  Izo nkweto zahawe uyu mugore, maze bamusaba ko yazazambara ku irayidi. Basaba Takbir.

Mu kiganiro Sheik Nsengiyumva Suleiman (Imam) ukuriye imisigiti yo mu karere ka Kicukiro yagiranye na isange.com, yavuze ko iki gikorwa kigamije kugura ubutaka bw’abaturage bo mu Idini ya Islam kuko Apotre Paul Gitwaza yashatse kubugura ariko bakabimwangira. Abaturage bashaka kugurisha ubu butaka ni abo mu Idini ya Islam ni nayo mpamvu ngo Apotre Gitwaza yashatse kubugura ariko baakbumwima ahubwo bakemera kubuha RMC (Rwanda Musilm Commission)

Yavuze ko uyu musigiti wubatswe mu 1962, bityo bakaba bashaka kuwagura kugira ngo uzakorerwemo n’ibindi bikorwa by’iterambere. Sheik Nsengiyumva yavuze kandi ko muri uyu musigiti habarirwa abayoboke 250 ariko ngo hari abakristo baza mu idini ya Islam bakabakira harimo n’abaturutse mu Itorero rya Zion Temple.

Hano ni kuri Zion Temple hahana imbibi n’uyu musigiti

Yavuze ko uyu musigiti waba uri ku rwego rwiza ku buryo waba ufite inyubako eshatu zigerekeranye. Yongeyeho ko ubutaka bashaka kugura bufite metero 75 kuri 35. Yongeyeho ko bakeneye kuzagura ubutaka bunini ku buryo ni bishoboka bazanagura ubwa Zion Temple bahana imbibi mu bihe bizaba bibaye ngombwa. Yavuze ko umuryango wa Islam mu Rwanda RMC uzabatera inkunga mu gihe bazaba batangiye iyi nyubako cyane ko bizeye ko ubu butaka mu minsi mike bwose bazaba bamaze kubugura.

Yasoje avuga ko amagambo aherutse kuvugwa n’umwe mu bayoboke babo ubwo yitaga Gitwaza Umukafiri ndetse n’umwanzi w’Imana nta muntu wari wabimutumye, ko ayo magambo yayavuze ku bwende bwe. Yasoje atangaza ko ijambo ry’Imana ribasaba gukoresha imvugo nziza ku bantu badahuje ukwemera.

AMAFOTO: