Prophet Claude Ndahimana uyobora itorero Soul Healing Revival church rifite icyicaro Kacyiru mu mujyi wa Kigali, yavuze ko Yesu Kristo yavutse mu bitangaza, apfa mu bitangaza ndetse ajya mu ijuru mu bitangaza. Yasabye abahakana ibitangaza by’Imana kujya bareba ku mbuto z’uwabikoze kuko ariko Yesu yavuze.
Mu kiganiro twagira na Prophet Claude yadutangarije ko bitewe n’ibyo yabonye Imana ikora ndetse nibyo yabonye imukoresha ntiyemera abahakana Imbaraga z’Imana nkuko yagize ati mu magambo ye : “ Muri iyi minsi abantu iyo babonye Imana ikoze ibitangaza bavuga ko biturutse kwa satani gusa nubwo hari pirate ariko hari na orginale Imana ikora Kandi uko yesu Kristo yari ejo niko ari kandi niko azahora nkuko ijambo dusanga muri Abaheburayo13:8 habivuga.”
Yesu Kristo twizera yavutse mu buryo bw’igitangaza, abaho mu buryo bw’ibitangaza, apfa mu buryo bw’ibitangaza, azuka mu buryo bw’ibitangaza, ajya mu ijuru mu buryo bw’ibitangaza azagaruka mu bitangaza, kandi Yesu yaduhaye ibitangaza nk’umurage nk’abakozi be, tubisanga muri Mariko 16:16. Haravuga ngo ibimenyetso bizagumana n’abizera ngibi: Bazavuga mu ndimi nshya, bazarambika ibiganza ku barwayi, bazirukana amadayimoni, bazafata inzoka ntacyo izabatwara.
Yasoje avuga ko abazabasha kwitabira amasengesho bari gutegura ko bazabyibonera(ibitangaza) , aya masengesho akaba azamara iminsi 21 aho azatangira ku italiki ya 03/05/2016 asozwe 23/04/2016 akazajya abera ku itorero Soul Healing Revival Church Kacyiru hirya ya Minagri.
Nd.Bienvenu/Isange.com/Tel:+250785247778,+250725040607.
The post Ntanarimwe nzemera abahakana Imbaraga z’ Imana. appeared first on .::Urubuga rwa mbere rwa Gikiristo ::..